織織復織織

 

一下子又很忙碌, 原因是要專心做織女, 繼早兩手的錯漏百出背心後, 今年的起心肝再去學.. 目標是親手做一件給自己. 於是揀了難度系數10級的冷衫...還要有袖和領的, 前後左右總共要織6幅, 本來想x'mas前完成... 但以現在進度看來, 算吧.. 新年前啦@_@

一波未平一波又起, 無啦啦的又跟be sis去學織頸巾.. 既是免費教學, 唔蝕底的心態下就報名學. 頸巾今次用了扭蠅.. 原來很容易. 我還是昨日才知道, 還有很多女仔鐘意自家製溫暖牌.. 而教我的sis也很有心機, 又幫我救亡了幾次.. 真的很感激.

至於冷方面, 灰色冷衫買了$49/個的日本冷, 一件要用至少12個... 誠惠6百大元, 嘩, 很肉痛呀!
頸巾是想學花款為主, 同事介紹下去了jusco 10蚊店買, 10蚊一個, 選擇雖不多,但也物超所值了, 一共買了6個和一對12號(5.7mm)棒針.. 我希望11月內可完成頸巾啦, 冷衫要給我一點耐性.

不過一開始做織女會停不下來.. 加油努力~~~~