人禍

工作最最困難的是什麼?

除了岡位錯配, 沒學識沒經驗沒專業硬要把你塞進一個很講知識技能的工作另計. 否則工作最最麻煩一定是人.

同公司話不投機的人, 不同部門各家自掃門前雪的人, 客戶自以為是的人, 供應商喜歡"兇"你的人, 運輸物流的粗人, 還有各式各樣擺款, 扮野, 卸膞, 無理取鬧, 迫你跟佢o個套, 以為發渣爛奪命追call就乜都攪得掂, 踩低你抬高自己的僂羅閒人怪人賤人路人甲乙丙丁... 乜人都有!!!

你問我, 咁多年我都未試過一份工係好"難做" 的. 但就差不多份份工d人都好"難頂" 上面講的只是普遍每間公司都有的人種, 還有些笑笑口放蕉皮跣獲甘既你, 用粗口鬧你祖宗十八代的, 扮文人在公司搵食的賤男, 種種奇離人都見過遇過.

影相既人都知, 係人影死物都唔會差得去邊,影會郁既野先顯真彰. 同一道理, 工作本身不存在任何難度, 要應乎d 麻煩人先最考耐力和應變力, 鬥智鬥力.

化...我早就知道間間公司都必有一堆人係好唔合理的. 唔化... 可唔可以唔好放我在全部都係騎呢人既密室入面?

我會開始懷疑係咪自己唔正常!!